影片
更多
2023-02-02
10 瀏覽
舖頭位於街角位置，門口同牆身都係綠色， 好容易miss咗， 要撳門鐘等侍應出嚟開門 。餐廳位置闊落， 燈光稍微昏暗 ， 幾有格調 。坐吧檯可以近距離觀賞廚師喺鐵板上面煮食。我哋點咗一個季節廚師發板套餐，每位承惠788，未計加一服務費。套餐包括沙律一碟，前菜一客，自選鐵板海鮮兩品 ，自選鐵板肉類一品 ，湯一碗，炒飯一碗，同埋甜品一客， 都幾豐富下。今日嘅沙律係黑醋火箭菜伴龍珠果。 碟底有少許黑醋， 上面放有新鮮嘅火箭菜，蕃茄仔， 菠蘿切片同埋龍珠果。 食落酸酸地健康又開胃。前菜係魚子醬溫泉蛋， 溫泉蛋入口嫩滑。可惜唔太食得出魚子醬嘅味道鐵板海鮮有鮑魚同扇貝各兩隻。鮑魚以秘制蒜蓉烹調， 入口煙韌充滿蒜香。扇貝加入咗松露牛油， 食落甘香，令人回味無窮。 伴碟仲擺咗蝶豆花泡沫，如果嫌啲海鮮味道唔夠鹹嘅話可以點少少黎食，味道會更加鮮美 。美中不足嘅係當日天氣比較凍， 盛載食物用嘅碟冇預先加熱，食物凍得好快。主菜鐵板牛柳， 油花唔多，冇筋肉嫩。 配以少許竹炭鹽更能帶出牛肉嘅鮮味。 一旁放有削成蘑菇造型嘅櫻桃蘿蔔， 食肉嗰陣可以食少少解膩。昆布豆腐麵豉湯豆腐切成絲狀， 盡顯廚師嘅刀功。炒飯裏面放咗蝦
餐廳位置闊落， 燈光稍微昏暗 ， 幾有格調 。坐吧檯可以近距離觀賞廚師喺鐵板上面煮食。
我哋點咗一個季節廚師發板套餐，每位承惠788，未計加一服務費。
套餐包括沙律一碟，前菜一客，自選鐵板海鮮兩品 ，自選鐵板肉類一品 ，湯一碗，炒飯一碗，同埋甜品一客， 都幾豐富下。
今日嘅沙律係黑醋火箭菜伴龍珠果。 碟底有少許黑醋， 上面放有新鮮嘅火箭菜，蕃茄仔， 菠蘿切片同埋龍珠果。 食落酸酸地健康又開胃。
前菜係魚子醬溫泉蛋， 溫泉蛋入口嫩滑。可惜唔太食得出魚子醬嘅味道
鐵板海鮮有鮑魚同扇貝各兩隻。鮑魚以秘制蒜蓉烹調， 入口煙韌充滿蒜香。扇貝加入咗松露牛油， 食落甘香，令人回味無窮。 伴碟仲擺咗蝶豆花泡沫，如果嫌啲海鮮味道唔夠鹹嘅話可以點少少黎食，味道會更加鮮美 。美中不足嘅係當日天氣比較凍， 盛載食物用嘅碟冇預先加熱，食物凍得好快。
主菜鐵板牛柳， 油花唔多，冇筋肉嫩。 配以少許竹炭鹽更能帶出牛肉嘅鮮味。 一旁放有削成蘑菇造型嘅櫻桃蘿蔔， 食肉嗰陣可以食少少解膩。
昆布豆腐麵豉湯
豆腐切成絲狀， 盡顯廚師嘅刀功。
炒飯裏面放咗蝦仁， 蝦肉食落彈牙。炒飯炒至粒粒分明，夠曬鑊氣。
今日嘅甜品係豆腐雪糕拌爆珠紅豆。爆珠紅豆食落Boy bok聲，好有咬口。 豆腐雪糕入口即融， 唔會話杰patpat咁。
張貼
