寶哥火鍋味館 (已結業)

佐敦呢間寶哥火鍋同事之前帶過我地去過, 印象最深係呢度嘅牛肉, 除左火鍋必食肥牛之後, 寶哥除有多款唔同牛嘅冷門部位可以食到, 當中封門柳嘅美味真係一試難忘。😍今日趁舅母生日, 我地係寶哥訂左枱, 同老婆和表弟一齊係度同舅慶生。我地未到7點已經到餐廳, 客人未係好多, 餐廳裝修以木色為主, 有少少日式風格, 座位非常寬敞, 4個人坐嘅卡位好舒適。😙除左可散叫火鍋配料之外, 店員同我地介紹寶哥$238一位嘅任食海鮮火鍋套餐, 價錢比散叫更優惠, 所以我地揀左呢個任食套餐。套餐除左有多款餐牌上任點食物, 仲送刺身, 海鮮拼盤等貴價食材, 最緊要係仲有一份我地最期待嘅牛肉: 封門柳。我地揀左猴頭菇鯊魚滑湯底, 呢款湯好鮮甜, 打邊爐前我地每人都先飲左一大碗。😋刺身拼盤除左有普通嘅款式外, 居然有和牛刺身, 沾上Wasabi豉油, 非常惹味。👍海鮮拼盤有鮑魚, 象拔蚌, 蠔等多款新鮮海鮮, 蝦放進鍋時仍生蹦活跳, 非常生猛, 蝦肉爽口鮮甜, 另外鮑魚好軟腍, 味道唔錯。封門柳係控制橫膈膜嘅肌肉, 每隻牛只有兩塊肉味, 肉味超濃, 口感好軟腍而且油膩分佈均勻, 味道一試難忘。😍任食嘅牛入面我地點