憶食尚臘味煲仔飯

營業中

休息中

今日同朋友去咗佐敦食地道港式🇭🇰煲仔飯，叫咗土雞板鴨煲仔飯、菜心同沙茶鮮淮山排骨煲。餐廳煲仔飯用料上乘。板鴨為南安板鴨，肉質鮮嫰、味道濃厚，而且有咬口，係精挑細選嘅食材。此外，煲仔飯嘅雞係走地雞🐓，肉質較為緊密，口感亦較高。同一般食開嘅煲仔飯唔同，餐廳煲仔飯食落唔會太油膩，配上菊花茶係健康之選。菜心配上鮮味十足，蠔汁重嘅沙井頭抽蠔油，味道更香濃。至於個沙茶鮮淮山排骨煲，鮮香可口嘅沙茶醬配上入口格外細膩、香甜嘅日本鐵棍淮山，令整個煲更為濃味。總括而言，餐廳菜式種類繁多、用料講究，高水準地演繹咗本地煲仔飯文化。🤤