影片
更多
2023-02-25
75 瀏覽
《龍亭 - 佐敦》次次約車車 @kchelseapy 出街，佢都必定會帶我去食好野既😘今次行完街，佢就帶左我去食一間好抵食既鐵板燒，晚市連加一既套餐每人都係五百幾起，已經有海鮮、牛柳食😎我哋兩個都叫咗一個基本海鮮餐，另外叫咗支梅酒同埋雞泡魚乾一齊食入門鐵板燒set 包括前菜、海鮮、牛柳、炒飯同甜品，慢慢食其實實夠飽😉前菜方面，餐廳安排左個黑醋汁沙律，有羽衣甘藍同埋一啲新鮮嘅蔬菜，比我地先清清個味雷，再開始食主菜😌喺我哋食緊沙律嘅途中，師傅就開始烹調海鮮😎我同車車可以超近距離望住師傅煮嘢食😚未食都聞到好香嘅鐵板燒味，超吸引🤓第一道主菜係鮑魚同埋北海道帶子，師傅用咗牛油黑松露製作，將煎香左嘅帶子再放上貝殼度煮，令到帶子充滿牛油香，配埋意大利黃瓜一齊食既清新，口感又軟糯😋而鮑魚就有另一種口感，食落煙韌彈牙同埋有好香蒜蓉嘅味道👍🏻接住落嚟就係石斑魚柳同扇貝，魚柳嘅表皮煎到香脆，而入面嘅魚肉就好滑溜，點少少黑炭鹽提味已經好足夠😏扇貝質地唔似帶子咁軟糯，不過佢嘅肉質結實得黎唔會韌，最鍾意就係佢個裙邊位置，食落有口感而且好香海鮮味然後就到咗食紅肉嘅環節，我哋兩個都揀咗澳洲牛柳😋由於我唔食羊嘅關係，所
次次約車車 @kchelseapy 出街，佢都必定會帶我去食好野既😘今次行完街，佢就帶左我去食一間好抵食既鐵板燒，晚市連加一既套餐每人都係五百幾起，已經有海鮮、牛柳食😎我哋兩個都叫咗一個基本海鮮餐，另外叫咗支梅酒同埋雞泡魚乾一齊食
入門鐵板燒set 包括前菜、海鮮、牛柳、炒飯同甜品，慢慢食其實實夠飽😉
前菜方面，餐廳安排左個黑醋汁沙律，有羽衣甘藍同埋一啲新鮮嘅蔬菜，比我地先清清個味雷，再開始食主菜😌喺我哋食緊沙律嘅途中，師傅就開始烹調海鮮😎我同車車可以超近距離望住師傅煮嘢食😚未食都聞到好香嘅鐵板燒味，超吸引🤓第一道主菜係鮑魚同埋北海道帶子，師傅用咗牛油黑松露製作，將煎香左嘅帶子再放上貝殼度煮，令到帶子充滿牛油香，配埋意大利黃瓜一齊食既清新，口感又軟糯😋而鮑魚就有另一種口感，食落煙韌彈牙同埋有好香蒜蓉嘅味道👍🏻
接住落嚟就係石斑魚柳同扇貝，魚柳嘅表皮煎到香脆，而入面嘅魚肉就好滑溜，點少少黑炭鹽提味已經好足夠😏扇貝質地唔似帶子咁軟糯，不過佢嘅肉質結實得黎唔會韌，最鍾意就係佢個裙邊位置，食落有口感而且好香海鮮味
然後就到咗食紅肉嘅環節，我哋兩個都揀咗澳洲牛柳😋由於我唔食羊嘅關係，所以我一定係揀牛呢😉師傅喺席前煎香牛柳，我哋一邊睇就梗係一邊打卡啦🤭選擇五成熟就剛剛好啦，牛柳質地香軟唔痴牙，比起日本牛雖然冇入口即溶嘅感覺，但係佢嘅肉味濃郁，食落啖啖肉好滿足
中間我哋嚟咗個中場休息，飲下梅酒傾吓計，我哋另外叫多咗份雞泡魚乾送酒，師傅即場煎香同調味，再熱辣辣送上嚟比我地😎雞泡魚乾咬落鹹香味十足，食落有質感，早知我哋就飲威士忌啦，味道應該會更加夾
最尾就係佢嘅海鮮炒飯啦，上面放咗大大隻虎蝦，食得出蝦既新鮮同埋肉質幾彈牙，師傅特登煎到生熟程度剛剛好，咁樣先可以保留返蝦嘅原汁原味😉炒飯嘅份量都幾多，入面有香蔥、蘆筍、蘿蔔等脆口嘅食材，飯炒得幾乾身，粒粒分明有光澤👍🏻
最後嘅甜品就係朱古力雪糕加上濃郁嘅厚忌廉同埋薄荷朱古力，由於我哋都食得好飽，所以兩個人share 一分剛剛夠😌食完正餐食返個甜品round up 咁先係圓滿㗎嘛
張貼
