影片
更多
2021-11-23
33 瀏覽
最近間中會黎將南探險，海濱呢邊開咗成排睇落勁chill嘅餐廳，穩陣起見揀咗間多人排隊嘅試吓，果然冇失望。揀左二人餐 set A ($278)，本來見主菜唔太大份以為會唔飽，點知大食如我都捧住個肚走。墨西哥香辣汁烤雞好有驚喜，本來預期就係tabasco味，估唔到係自己調較嘅醬汁，辣辣地好惹味，正到後上嘅薯條都夾硬點呢兜汁。 烤雞做得好好，熱辣辣好多肉汁，雞皮香脆，有齊雞髀、雞全翼各二唔使爭。千島烤雞pizza又係贏在個溫度，熱到出煙嘅芝士同千島醬已經冇理由唔好食，Pizza餅底夠脆又鋪滿晒唔同口感嘅餡料，大大啖好滿足。黑松露薯條好有薯味，黑松露老實黎講唔算好突出，反而茄汁意外地似自家製嘅天然味道，薯條愛好者表示滿意。
揀左二人餐 set A ($278)，本來見主菜唔太大份以為會唔飽，點知大食如我都捧住個肚走。
墨西哥香辣汁烤雞好有驚喜，本來預期就係tabasco味，估唔到係自己調較嘅醬汁，辣辣地好惹味，正到後上嘅薯條都夾硬點呢兜汁。 烤雞做得好好，熱辣辣好多肉汁，雞皮香脆，有齊雞髀、雞全翼各二唔使爭。
千島烤雞pizza又係贏在個溫度，熱到出煙嘅芝士同千島醬已經冇理由唔好食，Pizza餅底夠脆又鋪滿晒唔同口感嘅餡料，大大啖好滿足。
黑松露薯條好有薯味，黑松露老實黎講唔算好突出，反而茄汁意外地似自家製嘅天然味道，薯條愛好者表示滿意。
張貼
