紅屋仔(芳記)

今晚兩丁友唔想煮飯，就坐上座駕來到這裡吃住家菜。
假日黎講都差不多坐滿, 黎得呢到當然少不了吃住家飯餸。

叫左碗湯，雪耳果皮瘦肉湯，湯味道算頗濃，無乜雪耳同瘦肉湯，但出奇地果皮味道幾重，搶去成個湯既主要味道。

跟住呢個炭燒雞係主菜之一，坦白講食唔出乜野炭燒味道，但整體味道唔差，外皮夠脆加上帶點鹽，肉都算係嫩，反而吃落係似鹽焗雞味。

最後食埋個土魷肉餅，成個口感係豐富既，因為齊料，土魷碎粒加上肉餅，但肉餅差不多全瘦肉，食落係健康但係欠缺肥肉的滑溜感覺。

食物味道算係咁，但欠缺標榜的住家菜感覺，味道和大排檔的不遑多讓，價錢就不算便宜。