紫蝶花 (已結業)

今日去左將軍澳食晚餐，朋友住將軍澳，佢推介屋企樓下有間星馬菜餐廳。我地兩個人就去試下啦！我地星期日晚黎到，7點幾都要等位，30分鐘終於入到啦！芝士炸蝦波波。外層炸到金黃鬆脆，即叫即炸的確熱辣辣好香口。中間蝦肉餡料好爽彈，鮮蝦好彈牙，芝士流心度好高！蒜蓉炒翡翠苗。香甜翡翠苗清爽超甜，輕輕用蒜蓉炒香已經好好味！翠綠夠新鮮。海南雞必點！每次去食星馬餐廳都會叫海南雞！雞肉香甜嫩滑，脾位好滑溜！醬汁夠濃郁滋味。