大家樂 (已結業)

是日打8號波，街市好早收擋，唯有大家樂喇，岩哂我呢d無飯夫婦，黎到大家樂一眼就見到呢個烤雞二人餐，仲有個肉醬意粉比晉豬，$88好低喎！即該買返屋企試下先，都等左成15分鐘先攞到，返到屋企仲熱辣辣架一個餐有齊烤雞、粟米、肉醬意粉、烤番薯、兩罐可樂，$88我覺得幾低，烤雞都算大隻，食落咸咸地有少少檸檬酸味，肉質嫩滑，啖啖雞肉，食落唔乾身，烤得好惹味，聞落都好想大啖大啖食左佢，好味呢個粟米好難食，又乾身又無味，咬左兩啖掉左！肉醬意粉，濃濃番茄味既肉醬，晉豬好鍾意食，呢個意粉一直都保持水準，食左咁多年都好好味，唯獨今次缺點係肉醬太少，意粉有點乾，整個意粉唔夠醬撈，扣哂分呢幾舊原來係烤番薯，黃心果種番薯，幾好味，唔會太甜，如果可以熱d脆d就最好，雖然望落去好乾，賣相又唔靚，但整體都還可以