湯•米 (已易手) 新餐廳

往日想食一人一鍋，都要係尖沙咀先食到，而家係旺角都有得食一人一鍋啦，仲有而家好出名嘅台灣飲品，真係一次過滿足哂兩個願望！分別叫左兩個鍋，日式味噌鍋同藥膳雞鍋，日式味噌鍋係味噌湯底啦，配料有豚肉、雞蛋、娃娃菜、椰菜、雲耳、金針菇、冬菇、豆腐、豆角、粟米、蟹柳、薯仔、枝竹、鳴門卷，而藥膳豚肉鍋就似藥材湯味，配料有豚肉、紅棗、枸杞、娃娃菜、椰菜、雲耳、金針菇、冬菇、豆腐、粟米、炸魚皮、枝竹、鳴門卷，其實都幾大煲幾多料幾抵食，之後仲追加左 2 份牛肉，都係 $38，質素都幾高質，係靚牛，另外亦叫左一杯超級杯水果綠妍，其實即係一杯水果杯，有西瓜、紅柚、士多啤梨等等加綠茶而成，飲落都唔錯幾清新，呢間餐廳仲好貼身比叉你食埋水果添！