鳥棲日本料理 (已結業)

同朋友喺觀塘行完一輪，肚仔餓就求其搵間餐廳試下。因為好鍾意居酒屋，加上行過見到無乜人就狗衝咗入去，好彩行快步，過多陣就已經Full House!! 我地點咗幾道開胃菜—牛油果蟹柳手律：正常味道，係牛油果比較少，得幾塊 芝士明太子卷蛋：睇落好似好頹有點膠，但食落有驚喜，好好味！！呢個大推！跟住仲有叫咗幾串串燒，包括牛舌、雞翼...我覺得都係普普通通，唔算驚為天人最後我地仲叫咗一客雞肉炒麵，味道唔錯，但雞帶有骨，食落唔夠爽快整體唻講味道唔錯，而且價錢真係幾合理，唔會好似平時去居酒屋咁幾舊水落樓不過整體選擇唔夠多都係硬傷，而且好期待嘅雪葩原來得半個，唔夠喉