影片
更多
2018-12-04
198 瀏覽
呢間店舖既位置非常隱蔽，👧🏻個次都搵左好耐先搵到佢，差少少就錯過呢個美食。想食既朋友仔就認住最後一張相，穿過呢個入口就可以見到呢間小店架啦。呢間店舖細細間，店入面只有三張二人枱同幾個吧枱既位置，感覺就好似日本啲居酒屋咁。食物選擇唔算太多，不過👧🏻係專程過黎食鰻魚飯既，所以二話不說就點左佢個蒲燒鰻魚飯（半）。 等左唔係好耐熱辣辣既鰻魚飯就上菜啦，👧🏻目測條鰻魚有平時原條鰻魚三分二既長度，而且唔係俾鰻魚尾部既部分，另外加埋配菜既小番茄同牛油粟米，隨餐仲有一碗麵豉湯。鰻魚既肉質結實，店家既調味唔會做到過鹹，空口食定配白飯都非常適合，鰻魚仲有好濃郁既魚油味，👧🏻仲好記得食完之後半日都仲有個陣油香味係個口到🤤另外想講下佢做配菜既牛油粟米，味道非常香甜，食完一嗒之後就停唔到手，👧🏻真係好欣賞日本菜連啲配菜都會做得咁認真同美味😋每次都會透過以下6大方面評分(滿分:30分)味道 : 4.25 / 5 環境 : 3.25 / 5 外觀 : 3.25 / 5價錢 : 3.25 / 5 服務 : 3 / 5回頭率 : 3.5 / 5總分 : 20.5 / 30性價比呢間店舖既規模雖然唔算好大，但你會感受到
呢間店舖細細間，店入面只有三張二人枱同幾個吧枱既位置，感覺就好似日本啲居酒屋咁。
食物選擇唔算太多，不過👧🏻係專程過黎食鰻魚飯既，所以二話不說就點左佢個蒲燒鰻魚飯（半）。 等左唔係好耐熱辣辣既鰻魚飯就上菜啦，👧🏻目測條鰻魚有平時原條鰻魚三分二既長度，而且唔係俾鰻魚尾部既部分，另外加埋配菜既小番茄同牛油粟米，隨餐仲有一碗麵豉湯。
鰻魚既肉質結實，店家既調味唔會做到過鹹，空口食定配白飯都非常適合，鰻魚仲有好濃郁既魚油味，👧🏻仲好記得食完之後半日都仲有個陣油香味係個口到🤤
另外想講下佢做配菜既牛油粟米，味道非常香甜，食完一嗒之後就停唔到手，👧🏻真係好欣賞日本菜連啲配菜都會做得咁認真同美味😋
每次都會透過以下6大方面評分(滿分:30分)
味道 : 4.25 / 5
環境 : 3.25 / 5
外觀 : 3.25 / 5
價錢 : 3.25 / 5
服務 : 3 / 5
回頭率 : 3.5 / 5
總分 : 20.5 / 30
性價比
呢間店舖既規模雖然唔算好大，但你會感受到店家對環境同食物既用心，呢個價錢可以食到份量唔細既鰻魚飯，同👧🏻一樣愛鰻魚但覺得平時啲鰻魚飯太貴既朋友仔快d去試試啦。
張貼