梨滿園韓國料理 (已結業)

出黎買啲野，順便食埋飯先返屋企，見有人派傳單派韓國菜，仲要四十幾蚊就有個晚餐，抵到咁，梗系上黎試下啦，唔講都唔知有棟新大廈專係食市喎。做開韓燒，所以侍應會送上醬料，示意唔燒後亦沒拿走，似乎不會重用幾衛生喎。前菜小碟，甜甜的南瓜不錯，泡菜幾辣。先黎一個招牌菜紅炆牛肋骨，晚市套餐價$78，滿滿一盤幾抵食喎。一窩入面有三、四牛骨，炆得好入味夠火候，一咬已經骨肉分離，配料有紅蘿蔔，白蘿蔔等，食落好鮮甜，汁都飲哂。另一個叫左韓式大醬湯$52，同樣係滿滿一窩。入面有豆腐，蜆，五花腩等，食出海鮮味亦有肉味，湯清帶微辣，同樣好下飯。鐵盒上套餐包飯一個，好大個，滿哂一個鐵盒，飯軟綿係珍珠米，個盒好熱拎唔到上手，真係要好似韓國人咁夾飯食了另外仲叫左海鮮煎餅，好鍾意食韓國煎餅，基乎去到邊都叫黎試下，呢度做得唔錯，餅煎得夠脆有咬口又唔油，海鮮韮菜亦下得多，點埋個酸汁食認真正。朋友至愛年糕又追加了一客，看似小小一碟但十分飽肚，好多年糕，個汁開頭食無乜野，但越食越辣，嘩嘩，有料到呀，但辣得黎幾好味，唔係一味死辣㗎。店員有禮，可慢慢食無趕客，唯一不滿係太多人韓燒，抽風一般，店內都幾油煙味重。