黑門水產すいさん (Fashion Walk)

聽到黑門水產呢個名，就諗起大阪嘅黑門市場，呢度嘅裝修風格非常有日本風情，有日本嘅燈籠，海報，水手，貝殼嘅裝飾，真係好似返咗日本嘅感覺✨黑門令鰻魚漢堡 $236嚟到超有驚喜，鰻魚大大塊好厚肉，食得出鰻魚本身嘅鮮味，鰻魚肉質亦都比較重油脂感，細魚骨好少，鰻魚汁亦都好惹味，中間有一層玉子燒配埋日本米加紫菜包住一齊食，真係非滋叶火✨磯燒富山灣營光魷魚 $98螢光魷魚好少日本餐廳可以食到，個螢光魷魚超級鮮味，魷魚質感好爽脆，加埋紫菜醬汁一齊食，簡直一流✨海膽蟹味噌甲羅燒 $128材料有海膽，蟹肉，鵪鶉蛋，蟹子，口感豐富富，除咗食到海膽嘅鮮味，仲有蟹子一粒粒食到，超滿足✨海苔酒盜燒帆立貝 $98醬汁非常惹味，帆立貝好似個拳頭咁大粒，好新鮮好鮮甜，火候煮得剛剛好，唔會過熟✨極尚壽司盛盒$498有成12件壽司，分別有油甘魚，金目鯛，深海池魚，大拖羅，海膽，帆立貝，蟹肉等，拖羅極度肥美，入口柔潤鮮甜，深海池魚🐟油脂最豐富，入口即溶，金目鯛火炙後油香盡情發揮，味道份外鮮甜，海膽非常飽滿，入口充滿鮮味