Sky726

每次同朋友出街食飯，睇menu揀食咩永遠都最煩惱，因為樣樣都想試😂今次難得係旺角搵到間咁有feel既樓上餐廳，就唔諗咁多，叫返個Set dinner先襯返個feel架嘛。個沙律用既材料高級又新鮮，份量岩岩好。個湯好出色啊👍👍👍我地飲既係南瓜濃湯，碗湯飲得出好足料，南瓜味同忌廉混合得岩岩好，好香好濃，但又唔會好膩，自己都飲得晒。Main course個到我同朋友揀左慢煮脆皮豬腩伴菠蘿甜酸醬，未見過咁大舊豬皮原隻上，份量真係好多，外皮好脆口感唔會話硬，入面肉質都唔會好乾反而好juicy喎，菠蘿甜酸汁勁襯。最後甜品雖然比較普通，但我覺質素一啲都唔差架，個奶凍好滑。我地仲叫左2杯mock tail試下，先唔講味道，賣相已經滿分，可以影相呃like。但其實佢味道都好掂，好特別，夏天飲好岩。