壹級日本料理 (已結業)

大圍美林村自從將冬菇亭大排檔翻身之後，引入左好幾間新嘅餐廳，其中有一間係日本菜餐廳。對街開放式廚房，衛生程度有一定保証！刺身拼盤其實係散叫刺身，好得既presentation，叫左極上三文魚腩(6片) $98，赤身(4片) $98，油甘魚腩(4片) $78 ，帶子(4片) $48，珍寶赤蝦 (4隻)  $136，海膽(半板) $144呢個極上三文魚腩用咗腩位最肥果部分，食完真係成口油，油甘魚腩非常肉身實淨，肥美，厚切令其口感更好，赤身吞拿一啲都唔梅，帶子冇雪味，鮮甜。珍寶赤蝦啖啖肉，蝦頭有膏，非常鮮甜，海膽大大片，冇臭味、怪味，剩食或者嘅紫菜食到一流！鱈魚乾 $35出面啲日本餐廳都未見過呢一款小食，好鬆化，香口，佐酒一流，跟蛋黃醬挺搭配。雜錦天婦羅 $72有兩隻大蝦，四舊蔬菜，熱辣辣咁出嚟，隔油紙上面只係有少少油，不會有油膩感，天婦羅皮好薄，非常出色！明太子手羽(4隻) $96明太子一直係小弟嘅至愛之一，辣辣地，而明太子雞翼就唔係度度都有得食。師傅處理得好好啊，咬第一啖裏面出晒煙，夠熟，又冇濃，又夠香口。焦糖菠蘿 $28燒菠蘿就見得多喇，燒焦糖菠蘿都係第一次見，個菠蘿多水、少少酸，加埋