Lagom Kaffe (已結業)

今日放工搵埋朋友一齊去抖下嘆下見呢間賣相唔差就揀咗佢 原來佢會一路轉Menu所以會同OpenRice嘅推介有少少唔同 電子落單好方便！未上主菜之前佢都會俾返啲包我地 好香香草味 👍🏼因為呢朋友好鍾意食燉飯所以就揀咗兩個松露帶子忌廉燉飯松露味好香呀帶子唔會過老 啲飯又啱啱好軟硬適中 絕對冇中伏 俾我哋秒殺左八爪魚煙三文魚蘆筍明太子燉飯呢個個醬有少少酸酸甜甜個八爪魚真係好正 好大條本來都有少少擔心 八爪魚會唔會好似橡筋咁靭 出邊好容易煮得過老咁佢冇呀好正好淋 配返個頓飯嘅醬汁食就好夾雖然我哋兩個都係飯 但兩個食落個味完全唔同 所以唔會覺得差唔多其實食完兩個飯已經好飽但係實在係好想試佢個巴斯克蛋糕佢有好多隻味㗎我最有興趣就係伯爵茶喇所以最後都係叫咗一件伯爵茶巴斯克蛋糕件蛋糕係絕對唔會失望 好實淨嘅texture 好濃嘅伯爵茶味 唔會太甜啱啱好 本來真係好想試埋培茶 但真係太飽啦所以最後叫咗個蜜桃花茶解膩超香桃味 實在係嗅覺嘅享受 一路飲一路飲到淡淡的桃香今次呢餐飯真係好正 當然食飯除咗食物之外同咩人食都好重要啦