影片
更多
2018-09-15
10 瀏覽
非常休閒嘅星期六，本人妻再次出動了。今次就帶齊一家三口一齊去食地道嘅越南餐廳 。餐廳感覺上非常光猛，好有精神。 今次總共就叫咗三種主食，分別係：LE VIET招牌飯、去骨海南雞飯同埋越式牛腩咖喱配白飯，就等我逐個逐個介紹下比大家～ LE VIET招牌飯：講得叫招牌飯，就梗係非常豐富啦，裏面包左一隻非常精美嘅荷包蛋，有特色嘅越南扎肉，仲有本人妻最鍾意嘅串燒香茅雞翼同埋香茅豬扒，超級豐富大製作。越南扎肉非常彈牙可口，香茅雞翼肉質彈牙，亦都有燒香味，豬扒肉質唔會太乾身，豬扒肉質唔會太乾身，非常容易入口之餘亦都好惹味。 去骨海南雞飯：本人妻嘅家鄉係海南島，對海南雞飯情有獨鍾㗎。不得不讚嘅係，餐廳特登起海南雞下鋪左一層鮮甜嘅菜，即使我哋食咗肉都好都可以食返菜做返調劑，健康人生啊！海南雞咬落去肉質鬆軟，亦非常有雞味，海南雞飯香口得來唔會太油，再點買餐廳附贈嘅獨特醬汁，一種偏甜一種偏酸辣，多重享受啊！ 越式牛腩咖喱配白飯：咖喱汁具有椰汁味，食落去嘅時候中和左咖喱嘅辣味，增添多重層次。再來講係牛腩，牛腩食落去冇肉根，肉質鬆化得來亦都好入味，100分美味。 再嚟就要講吓本人妻叫咗個小
今次總共就叫咗三種主食，分別係：LE VIET招牌飯、去骨海南雞飯同埋越式牛腩咖喱配白飯，就等我逐個逐個介紹下比大家～
LE VIET招牌飯：講得叫招牌飯，就梗係非常豐富啦，裏面包左一隻非常精美嘅荷包蛋，有特色嘅越南扎肉，仲有本人妻最鍾意嘅串燒香茅雞翼同埋香茅豬扒，超級豐富大製作。越南扎肉非常彈牙可口，香茅雞翼肉質彈牙，亦都有燒香味，豬扒肉質唔會太乾身，豬扒肉質唔會太乾身，非常容易入口之餘亦都好惹味。
去骨海南雞飯：本人妻嘅家鄉係海南島，對海南雞飯情有獨鍾㗎。不得不讚嘅係，餐廳特登起海南雞下鋪左一層鮮甜嘅菜，即使我哋食咗肉都好都可以食返菜做返調劑，健康人生啊！海南雞咬落去肉質鬆軟，亦非常有雞味，海南雞飯香口得來唔會太油，再點買餐廳附贈嘅獨特醬汁，一種偏甜一種偏酸辣，多重享受啊！
越式牛腩咖喱配白飯：咖喱汁具有椰汁味，食落去嘅時候中和左咖喱嘅辣味，增添多重層次。再來講係牛腩，牛腩食落去冇肉根，肉質鬆化得來亦都好入味，100分美味。
再嚟就要講吓本人妻叫咗個小食啦，今次就叫咗”牛油雞翼”。一上枱嘅時候已經非常震撼，雞翼外層包裹着熱炸嘅牛油皮同埋蒜蓉皮，內層係串燒雞翼，咬落去脆得來十分香口，同時間食到牛油嘅鹹香，燒雞翼嘅惹味，以及蒜蓉嘅口感，每一啖都非常享受。
最後就講吓飲品啦，
椰汁三色冰非常有越南特色非常有越南特色，底層有啫喱糖同埋馬豆，非常有口感。
椰汁紅豆冰就同港式紅豆冰有少少分別，椰汁相對質感較濃，飲落去味道較重同埋有奶香味，加埋啲紅豆食落去真係好享受。
再加多杯凍檸茶清清淡淡，酸得來唔會太苦。
總括而言，真心估唔到香港都可以食到咁地道嘅越南風味啊。
張貼
