少爺18 (已結業)

午餐有多款選擇包無限添飲柑桔檸檬都係幾十蚊，如果唔夠飽仲可加前菜、小食或甜品。可能今日得11度嘅關係，12:30只得我哋兩個客，好在坐坐吓都慢慢有客人入座😅餐廳頗大，裝修時尚帶有星洲品味。枱與枱之間不會太接近，環境十分舒適。檳城炒貴刁惹味十足，配上蝦及臘腸同炒。 可惜蝦只可說是彈牙，完全欠缺蝦肉應有的質感，味道亦欠奉。這點比較遜色。由於這餐廳沒有辣椒粉或辣椒油之類的調味料，店員主動提出可選参巴醬，香香辣辣好味道。跟餐飲品有柑桔檸檬(熱或凍)，氣温得11度當然選熱飲，入口頗酸，但習慣後覺得還是不錯而且十分暖胃。印度炒飯配串燒沙爹賣相與一般印尼餐廳不一樣，顏色比較深而飯嘅質地靱一點及帶少許甜味。沙爹串燒反而有驚喜，肉質軟淋不會乾柴，味道很好。要扣分是蝦肉同樣是完全無味。見到好多其他客人食海南雞飯，下次有機會試試。