Oasis Corner (已結業)

工業大廈入面休閒小貓咖啡店休息的好地方依間係貓貓做主題嘅咖啡廳，佢周圍嘅裝修都有貓嘅畫，好適合貓奴入嚟打卡，佢嘅地方唔大，得幾張枱，所以同朋友坐得都好舒服。叫咗一個全日早餐同埋一個卡邦尼意粉，全日早餐嘅嘢食包含咗好多，仲有我鍾意食嘅黑松露炒蛋，佢有得揀牛角包或者堅果包，我就揀咗較香口嘅牛角包，食落非常趣口，而側邊嘅大些菇粒，車厘茄都好多份量，仲有個糖心蛋添，真係好有驚喜，至於煙肉同腸就正正常常啦，而薯餅都非常之脆，睇得出佢係即炸，至於佢個沙律菜都係好新鮮，唔會話似隔夜嘅沙律菜。我就加咗$6轉黑松露炒蛋，我覺得依$6真係好值得㗎，因為佢嘅黑松露味非常之香。第二樣就叫咗煙三文魚卡邦尼意粉，同樣份量都好啱我食，唔會話太油，芝士亦都做得非常之香，本身諗住叫多個三文治，但都好飽了。嘢飲方面就叫咗比利時雙重朱古力同埋一杯榛子咖啡，大家睇吓，佢嘅杯又有貓貓㗎，真係好可愛，好有童心。朱古力就食得出唔係用粉沖嘅，都唔錯，至於榛子咖啡都有好香榛子味。而呢個價錢可以坐咁耐都唔錯。