古今二 (荃新天地)

營業中

休息中

今日去咗荃灣荃新天地行街之後去左古今二下午茶 睇完餐牌之後菜式嘅名都好特別令我大開眼界 先嚟一個龍捲風沙律 個沙律菜好新鮮dressing 都做得唔錯 分量仲好大份 之後叫咗兩款唔同嘅壽司卷物 分別係烈火紅唇同蜘蛛 烈火紅唇壽司好特別 係用炸牛肉配士多啤梨加芝士醬 無論口感味道同賣相都係very good 蜘蛛即係軟殼蟹卷物配牛油果青瓜同蟹柳 呢個組合係好match 重點係我好鍾意食牛油果 所以好想再叫多客 最surprise嘅係師傅將兩款壽司卷物放喺同一隻碟上面 加上用燒烤醬唧出嚟既字同裝飾 可見師傅對於個賣相好有要求同埋有心思 食日本野除咗講求食材新鮮同埋個味道之外其實賣相都好緊要 所以都好appreciate 個師傅既用心 最後叫咗個店員推介嘅西京比目燒 個魚好滑同埋燒得好好 仲好香 配上少少沙律醬真係perfect估唔到一個簡單嘅下午茶都可以食到咁滋味呢間日本餐廳仲要價錢都好合理 真係食得好滿足同埋一定要推介大家試下