金所6.5 (已結業)

呢幾日見到呢間鋪頭門外都有人排隊，所以特登今日lunch time去試下味，估唔到食出一個「伏」字。今次我揀咗既係「赤」拉麵，沾麵粗幼似意粉，我就唔太鍾意，不過咬落起碼都有口感。另外，「赤」呢個湯底竟然係蕃茄味，滲透住小小辣味，配以竹筍、唔入味既流心蛋同好乾既梅肉叉燒，只能食出唔夾既味道。而個湯底因為比一般沾麵既湯稀，亦都令個麵掛到既湯汁有限。總括而言，呢個質素賣$88，仲要食到成頭油煙味，真係唔會再幫襯。