漁獲浜燒 (已結業)

星期日入嚟食午餐，諗住嗌三個午餐三個人食，冇套餐唔緊要我哋嗌餐牌，係咁sell我哋食燒海鮮，我哋一點先去諗住食個快午餐唔會坐低燒嘢食。兩大一細嗌左三個主菜，拎咗兩個前菜過嚟，已經覺得奇怪點解會係兩個前菜唔係三個前菜。心諗佢比前菜都咁孤寒，唔通細路仔唔俾？啲嘢食嚟到，三杯茶都唔拎俾我哋！好似我哋嗌佢啲海鮮燒，就乜都唔再服務我哋，其實我哋都係見到有900幾個like先上去食，食完先知道嗰九百幾個like唔可以做一個選擇餐廳嘅參考⋯⋯我哋中咗伏。$200一碟炒飯得一碗，好細碟。我同老公都滴汗。埋單$600，前菜收你$25一碟，當食開所有日本餐廳，前菜拎過嚟會係包埋，原來呢一間咁特別會收你錢，咁佢比兩兜係唔知用乜嘢準則，係咪應該問吓我哋要唔要先。兩大一細食午餐，價錢中等，但係唔知食咗啲乜，哈哈。