影片
更多
2020-09-13
95 瀏覽
今日同朋友喺尖沙咀行街shopping，喺K11附近搵嘢食嘅時候見到呢間舖都幾多人食，見到價錢算係可以接受就入咗去食lunch。首先佢定食嘅選擇其實都幾多，有魚生亦都有熟食。雖然係一間掛住「黑門市水產」嘅餐廳應該食返啲魚生，但係女仔係特別時間都係唔好食咁多生冷野🙈所以我都係揀咗熟食。近排喺屋企買豬肉片貴咗好多所以出街食都會揀豬，揀咗個柚子胡椒豚肉鍋。啲豚肉真係冇乜問題嘅。但係我明明同左職員講話要配白飯佢竟然俾咗烏冬我。我都已經講出聲話我係叫咗白飯嘅但佢都唔同主動同我換，加上我朋友講咗句"唔緊要啦食烏冬囉"，明明個職員比錯咗佢都就咁行埋一邊。一路食都有少少唔開心因為我本身話唔鍾意食呢啲咁扁咁淰嘅烏冬，淨係鍾意食急凍嘅讚岐烏冬⋯⋯ 柚子胡椒嘅味道搭配豚肉幾好味👍🏻豆腐都唔錯，配料都好多但係問題嚟啦！明明佢幅圖係好似涮涮鍋咁，但係佢比我嗰陣係一鑊熟⋯⋯味道完全一啲層次感都冇，除咗啲豚肉片有啲肉味之外，蔬菜、菇菌、烏冬、芋絲、薯粉全部食落口都係同一隻味😓食到一半已經唔係好想食⋯⋯我個朋友揀咗個壽司定食都唔錯，啲壽司本身已經幫你加咗豉油，都幾特別。最後佢有個新鮮出爐嘅茶碗蒸，令到我係食完個「一鑊
首先佢定食嘅選擇其實都幾多，有魚生亦都有熟食。雖然係一間掛住「黑門市水產」嘅餐廳應該食返啲魚生，但係女仔係特別時間都係唔好食咁多生冷野🙈所以我都係揀咗熟食。
近排喺屋企買豬肉片貴咗好多所以出街食都會揀豬，揀咗個柚子胡椒豚肉鍋。
啲豚肉真係冇乜問題嘅。但係我明明同左職員講話要配白飯佢竟然俾咗烏冬我。我都已經講出聲話我係叫咗白飯嘅但佢都唔同主動同我換，加上我朋友講咗句"唔緊要啦食烏冬囉"，明明個職員比錯咗佢都就咁行埋一邊。一路食都有少少唔開心因為我本身話唔鍾意食呢啲咁扁咁淰嘅烏冬，淨係鍾意食急凍嘅讚岐烏冬⋯⋯
柚子胡椒嘅味道搭配豚肉幾好味👍🏻豆腐都唔錯，配料都好多
但係問題嚟啦！明明佢幅圖係好似涮涮鍋咁，但係佢比我嗰陣係一鑊熟⋯⋯味道完全一啲層次感都冇，除咗啲豚肉片有啲肉味之外，蔬菜、菇菌、烏冬、芋絲、薯粉全部食落口都係同一隻味😓食到一半已經唔係好想食⋯⋯
我個朋友揀咗個壽司定食都唔錯，啲壽司本身已經幫你加咗豉油，都幾特別。
最後佢有個新鮮出爐嘅茶碗蒸，令到我係食完個「一鑊熟」之後有翻啲甜頭加翻一分畀佢😉
柚子胡椒豚肉鍋
$118
9 瀏覽
0 讚好
0 留言
張貼
