九份•十分 (河畔花園) (已結業)

開業至今，每次經過都大把人係門口等，但每次都係放工時候，太肚餓關係都唔會想等。今日lunch 行過無人，要去試下有幾巴閉先。紅燒牛肉麵（$62），好足料，大大份既牛腩同牛筋。湯好濃，帶小小辣，仲有紅蘿蔔同小裳菜做配料，餸比麵多，好抵食！烤台式香腸肉燥飯（$58），香腸係好有台北夜市風味，門口已經有部機，放左d腸係度碌下碌下，仲配有鹵水豆腐。肉燥飯不錯，但略嫌飯硬左少少。鮮柑桔蜂蜜（$26），酸酸的，好開胃。唔似普通街邊舖買個d用水沖粉！好味！