Chotto Maki (利源西街) (已結業)

中環食飯貴， 我都預左架啦。 不過冇諗過會貴成咁樣。 Openrice 好多好評， 就去試下。 同埋同事去食， 每人叫左一個自選卷。 埋單， 我呢份就 84蚊， 我同事就 92 蚊。 一份得 4件， 我係細食嘅女仔都唔夠飽。 84 蚊我唔expect 得 4件咁細卷。 平時普通壽司店， 呢個size 最多都係 50 蚊咋嘛。呢間性價比好低， 超級唔推介！另外，環境好差， 啲櫈坐得唔舒服。 店內又有烏蠅飛黎飛去。 個環境衛生麻麻。 食完仲要自己執枱。 絕對冇下次。