深井陳記燒鵝 (業豐大廈) (已結業)

幫襯呢間陳記好多次架啦，主要因為位置方便，講真d燒味都只係麻麻地。本身都預咗茶記唔會有咩服務，不過今次都真係好過份下。order一碟燒鵝飯，上到來得三舊肉，其他全部係皮。你地望下！之後叫個短髮阿姐過來，佢竟然話燒鵝飯就係咁，肯定有肉有皮架啦，冇可能全部都係肉。想問下有邊度係七十蚊一碟，剩係俾三舊燒鵝肉？味道又只係普普通通我地講多兩句，個短髮阿姐就黑晒面，話幫你地換過碟得啦掛。而且竟然仲偷影我地相，唔知佢居心何在。入面切燒味個阿叔仲要行出來幫口話你地唔幫襯都唔緊要，睇來真係生意太好。俾錢食餐飯食到成肚氣，大家想受氣就去幫襯呢間陳記啦！