老友搬左去杏花村, 叫我上佢屋企參觀下...
可惜佢係地係無飯夫妻, 唔煮飯, 無廚房, 無得食!
不過原來杏花村好方便, 朋友就帶我黎Cafe Paradise, 佢話佢成日都帶姪仔黎食!
Cafe Paradise係一個旋轉木馬主題餐廳,
真係岩晒小朋友黎食!
而且食物價錢亦大眾化,
簡直可以用平 靚 正 黎形容!
套餐好抵食, 餐湯+小食+2個主菜, 仲有甜品跟餐茶,
都只係HK$328兩位! 而且選擇頗多哩~
凱撒沙律及甘筍忌廉湯就一般, 正正常常.
小食我地點左香煎墨魚餅,
雖然煎得黑黑, 但入口唔油膩且啖啖墨魚粒哩,
配上泰式醬, 非常惹美!
千島海鮮滋味薄餅好好味, 批底厚薄剛好;
海鮮不外乎大蝦蟹柳等等, 估唔到會有青口;
芝士加上千島醬配合得天衣無縫!
另一個主菜點左美式BBQ豬排骨,
份量非常大, 足夠三個人食哩!
燒排骨調味好好, 加上啖啖肉, 食兩條骨已經飽飽!
套餐仲有餐茶及甜品, 甜品係紅豆奶凍.
少少甜配大大粒紅豆, 飽飽都食得落!
