火五越式牛肉粉專門店 (華生樓) (已結業)

星期六返工返半日，收工後就出左去太子。行街前當然要去醫下肚啦～中午又唔想食飯，就去左搵啲濕口野食去幫襯，就係行行下期間見到一間越南野叫火五越式牛肉粉專門店。因為有d肚餓，就先叫左d小食食住先，一個炸軟殼蟹青木瓜沙律 同 店舖推介嘅手作大蝦米子卷先來個大蝦米子卷，佢用既青瓜很新鮮而且夾埋生菜食起上來勁爽口，當中夾住果隻大蝦🍤好新鮮同鮮甜彈牙，作為小食十分推介之後再來炸軟殼蟹青木瓜沙律，食前記得落左甜酸醬再撈埋先好去食，青木瓜絲爽口清新，軟殼蟹未食已經聞到香味，一食落口又多汁，炸到個殼軟硬適中。黎到主食，我地叫左 香茅豬頸肉撈檬，當然要落左酸甜醬先食啦😆上菜時睇到個碗以為得個碗大，點知原來係極度足料，大碗到呢🤣🤣🤣 豬頸肉 彈牙 爽口，肥瘦均勻而且仲好入味添。黎到越式鹹菜腐竹胡椒豬肚湯河，湯底足料，而且個湯好濃味，好夠胡椒味，飲一淡都暖到入心。豬肚份量都唔少，食極都仲有。雖然今次試唔到越式魚翅花膠雞湯河，但係胡椒豬肚湯都有驚喜！值得一試