金鳳大餐廳 (新都城中心三期)

營業中

休息中

最近同屋企人去咗金鳳食晚餐，好耐無食呢種平民扒房，覺得抵食又惹味，好有驚喜！呢度主要都係套餐咁嗌，包扒、湯、餐包同飲品🥩 想講野食真係上得好快，超有效率！員工會喺客人面前倒醬汁，一倒就滋滋聲、勁香！我地嗌咗招牌牛柳餐($144)同貴族牛扒(美國牛肩肉)餐($218)，兩款都大份到好誇張😳牛柳有兩大件，肉質超腍！而牛肩肉係腍嘅同時有咬口，邊位焦脆，肉味比牛柳重🐮 建議大家加蒜蓉，會香上加香🤩 配菜有薯格同脆玉瓜～ 食完成個餐真係超飽🤣雖然係平民扒房，但呢度環境都好新淨好舒適，員工態度都唔錯，食完已經想encore🤣