影片
更多
2022-07-31
71 瀏覽
朋友介紹有間韓燒，係用光波爐，食完唔會成身燒烤味，唔錯喎🤣⋯⋯今晚又做無飯煮婦，一於約埋阿仔去食番餐韓燒先😋。一入門口右手邊係沙律同韓式前菜凍櫃，所有材料擺放乾淨整齊；行過些小係飲品凍櫃，飲品選擇都好多。韓牛牧場，晚市任食放題，除左各款肉食、海鮮外，仲有刺身、壽司🍣、炸物，天婦羅、韓式炒粉麵等等…. 120分鐘任食任飲😋。首先緊係要攞盤前菜先啦，估唔倒放題嘅前菜咁有水準，目測所有前菜都好新鮮，尤其泡菜同麻辣蓮藕真係食唔停。頭輪先食店鋪預設嘅極上定量製作 ：🥢刺身拼盤：三文魚、𩶘魚、北寄貝、生虎蝦、希靈魚、鮑片、榮螺…..各款刺身質素都唔錯，尤其係榮螺，估唔到咁爽甜鮮集於一身。🥢海鮮拼盤：扇貝、墨魚、青口、大蝦；全部都好新鮮，尤其係大蝦，大大隻，燒到個殻金金黃黃就食得啦、爽夾脆嘅口感，非常新鮮😋。🥢安格斯牛肉盛盒：牛肩、牛舌、牛胸肉… 各款都有油花，只需兩邊輕輕燒燒，燒至微微金黃，入口鬆軟；尤其我至愛牛舌，味濃有咬口。🥢仲有☝🏼醬油蝦：呢個真係要隻蝦好新鮮先可以做倒，蝦頭緊緊連接蝦身，蝦肉軟滑爽脆、醬油味入晒蝦肉，呢個時候如果有碗白飯就正啦😋。食完定量製作，就order左牛舌、雞翼、一
一入門口右手邊係沙律同韓式前菜凍櫃，所有材料擺放乾淨整齊；行過些小係飲品凍櫃，飲品選擇都好多。
韓牛牧場，晚市任食放題，除左各款肉食、海鮮外，仲有刺身、壽司🍣、炸物，天婦羅、韓式炒粉麵等等…. 120分鐘任食任飲😋。
首先緊係要攞盤前菜先啦，估唔倒放題嘅前菜咁有水準，目測所有前菜都好新鮮，尤其泡菜同麻辣蓮藕真係食唔停。
頭輪先食店鋪預設嘅極上定量製作 ：
🥢刺身拼盤：三文魚、𩶘魚、北寄貝、生虎蝦、希靈魚、鮑片、榮螺…..各款刺身質素都唔錯，尤其係榮螺，估唔到咁爽甜鮮集於一身。
🥢海鮮拼盤：扇貝、墨魚、青口、大蝦；全部都好新鮮，尤其係大蝦，大大隻，燒到個殻金金黃黃就食得啦、爽夾脆嘅口感，非常新鮮😋。
🥢安格斯牛肉盛盒：牛肩、牛舌、牛胸肉… 各款都有油花，只需兩邊輕輕燒燒，燒至微微金黃，入口鬆軟；尤其我至愛牛舌，味濃有咬口。🥢仲有☝🏼醬油蝦：呢個真係要隻蝦好新鮮先可以做倒，蝦頭緊緊連接蝦身，蝦肉軟滑爽脆、醬油味入晒蝦肉，呢個時候如果有碗白飯就正啦😋。
食完定量製作，就order左牛舌、雞翼、一口牛、同牛肩；雞翼預先開邊，方便易熟，燒到雞皮開始金黃就可以食啦，外脆，入邊好嫩滑；一口牛就要比較有耐性啲慢慢燒，但口感係最一流嘅。
熟食就叫左天婦羅、泡菜餃子，天婦羅個炸漿皮好薄，所以食多兩件都唔會覺得好溜；泡菜餃子係openrice 食評中最多推介，果然係皮薄餡靚。
最後仲有雪條，好多放題只係供應一條，呢度就任食，好多款味道選擇，好鍾意韓式雪條，口感又似雪糕，凍冰冰，非常好嘅餐後甜品😋。
張貼
