影片
更多
2022-07-30
1504 瀏覽
任食素食前兩日同朋友去咗黃大仙，諗住食埋嘢先返屋企，所以晚餐都直接喺黃大仙商場食。我哋去咗有一間叫做日常素食嘅餐廳 ，係一間任食素食嘅餐廳，價錢又平，又可以當食素食清吓腸胃，成人$126一位，仲要唔收+1服務費。小童就$106一位。一家大細都可以食到飽一飽。餐廳嘅位置就係商場嘅正中間，所以其實行行吓商場都見到呢間餐廳，所以先至走咗入去食。餐廳嘅位置好開陽，所以其實都好易搵。而且一路寫仲可以一路望吓四周圍嘅商店。因為我哋係六點開始入去食，諗住早啲食完早啲返屋企瞓覺。所以嗰陣時嘅人流都唔算多。點知去到七點嘅時候就發現好多人開始入嚟。然後就發現原來大家對生活都開始着緊健康，哈哈，會食素食當一餐。餐廳嘅素食其實款式種類都幾多，而且全部都因為係素食，所以食落去覺得健康之餘唔會有罪惡感。餐廳用咗好多唔同嘅煮法去增加食物嘅外貌觀感同埋味道。所以令到我哋行埋去本來以為係咕嚕肉又或者係炸魚又或者係炸魷魚等等，點知原來係炸兩，芋頭同埋素蟹柳，真係覺得幾得意，呢間餐廳嘅賣相整到都幾似。呢間餐廳仲有其他甜品好似係桂花糕椰汁糕同埋千層薑汁糕，賣相同埋味道都整到好似出街食咁樣，即係幾好食，哈哈。所以百幾蚊可以任食
前兩日同朋友去咗黃大仙，諗住食埋嘢先返屋企，所以晚餐都直接喺黃大仙商場食。我哋去咗有一間叫做日常素食嘅餐廳 ，係一間任食素食嘅餐廳，價錢又平，又可以當食素食清吓腸胃，成人$126一位，仲要唔收+1服務費。小童就$106一位。一家大細都可以食到飽一飽。
餐廳嘅位置就係商場嘅正中間，所以其實行行吓商場都見到呢間餐廳，所以先至走咗入去食。餐廳嘅位置好開陽，所以其實都好易搵。而且一路寫仲可以一路望吓四周圍嘅商店。因為我哋係六點開始入去食，諗住早啲食完早啲返屋企瞓覺。所以嗰陣時嘅人流都唔算多。點知去到七點嘅時候就發現好多人開始入嚟。然後就發現原來大家對生活都開始着緊健康，哈哈，會食素食當一餐。
餐廳嘅素食其實款式種類都幾多，而且全部都因為係素食，所以食落去覺得健康之餘唔會有罪惡感。餐廳用咗好多唔同嘅煮法去增加食物嘅外貌觀感同埋味道。所以令到我哋行埋去本來以為係咕嚕肉又或者係炸魚又或者係炸魷魚等等，點知原來係炸兩，芋頭同埋素蟹柳，真係覺得幾得意，呢間餐廳嘅賣相整到都幾似。
呢間餐廳仲有其他甜品好似係桂花糕椰汁糕同埋千層薑汁糕，賣相同埋味道都整到好似出街食咁樣，即係幾好食，哈哈。所以百幾蚊可以任食都真係幾實惠。
仲有其他湯水同埋素食熟食，又有橙汁同酸梅湯呢啲，真係食到飽一飽，哈哈，但係可能因為係素食，所以食完呢個素食自助餐罪惡感都少啲，唔怕自己超標😹😹哈哈。
張貼
