大瀛喜日本料理 (已結業)

通常一大班人約食飯諗唔到食咩就會想去食放題，人均只係二百零蚊就可以兩個鐘任飲任食，食物種類多，有齊刺身、壽司、燒物、鍋物、炸物及甜品等等，非常多野食

刺身款式都好多，松葉蟹腳、三文魚、磯煮鮑魚、帶子、大赤蝦、甜蝦、油甘魚及希靈魚等都有，可以盡情咁食，落完單好快就送到

各款壽司及手卷
必食海膽手卷，唔算大件唔會好飽肚，仲有吞拿魚蓉手卷都好味

各式各樣料理
燒蠔風味十足，大大隻蠔肉飽滿肥尾，蒜香味撲鼻
芝麻雞翼叫左兩轉都係新鮮炸起，口感香脆又juicy!
燒牛舌有驚喜，彈牙爽口，燒得一啲都唔乾。
壽喜燒牛肉鍋，湯底甜甜的好惹味，每次食放題必食！

飲品亦有好多款，幾個大雪櫃任揀，冷泡茶、汽水、啤酒、梅酒及清酒等都有！甜品當中最受歡迎一定係Haagendazs，仲有好多款雪糕雪條，甜品等，相當之豐富！