影片
更多
2018-01-27
1089 瀏覽
咁快又一年 又係時候同男朋友慶祝週年紀念喇 所以梗係要放肆一下 去咗食韓燒放題 食肉獸出動 今次嚟到呢間位於大埔嘅Oppa韓國燒肉店 呢間嘅旺角分店成日都大排長龍 大埔呢間就唔使點等位 可能因為好早黎到啦 座位好特別 係用咗工業風去設計 牆身好多塗鴉 色彩繽紛 好吸睛 我哋叫咗江南海鮮放題 398一位 再收加一 一坐低已經有預設咗嘅燒肉拼盤同埋海鮮拼盤仲有泡菜煎蛋同埋一啲涼拌小菜 真係好豐富 涼拌小菜 有海帶泡菜同埋芽菜 我就覺得芽菜最正 清甜又爽口加上醬汁好惹味 個泡菜煎蛋都好足料 夠曬香口 最方便係佢放埋一邊等一陣就有得食 完全唔需要理佢 啱曬我呢啲懶人 燒肉拼盤嗰碟係用咗牛嘅形狀去做 好得意你可以知道嗰塊肉係呢隻牛嘅邊個部位 好有心思 佢每個部位都有兩小塊 油花十足 而且牛味好濃 顏色紅卜卜 夠曬新鮮 海鮮拼盤有大蝦 原隻魷魚 鮑魚 扇貝 多春魚同埋大蜆 全部都夠曬新鮮 鮮味十足 當中就最鍾意鮑魚 隻鮑魚好爽口 夠鮮甜 將佢切開一舊舊香煎 好好咬口 韓燒到食梗係要食韓國最有名嘅燒腩肉 五花腩肥瘦層層相間 肥瘦適中 將佢煎到香口 然之後加上泡菜同埋生菜包埋一齊食 油脂喺個口入面
我哋叫咗江南海鮮放題 398一位 再收加一 一坐低已經有預設咗嘅燒肉拼盤同埋海鮮拼盤仲有泡菜煎蛋同埋一啲涼拌小菜 真係好豐富
涼拌小菜 有海帶泡菜同埋芽菜 我就覺得芽菜最正 清甜又爽口加上醬汁好惹味
個泡菜煎蛋都好足料 夠曬香口 最方便係佢放埋一邊等一陣就有得食 完全唔需要理佢 啱曬我呢啲懶人
燒肉拼盤嗰碟係用咗牛嘅形狀去做 好得意你可以知道嗰塊肉係呢隻牛嘅邊個部位 好有心思 佢每個部位都有兩小塊 油花十足 而且牛味好濃 顏色紅卜卜 夠曬新鮮
海鮮拼盤有大蝦 原隻魷魚 鮑魚 扇貝 多春魚同埋大蜆 全部都夠曬新鮮 鮮味十足 當中就最鍾意鮑魚 隻鮑魚好爽口 夠鮮甜 將佢切開一舊舊香煎 好好咬口
韓燒到食梗係要食韓國最有名嘅燒腩肉 五花腩肥瘦層層相間 肥瘦適中 將佢煎到香口 然之後加上泡菜同埋生菜包埋一齊食 油脂喺個口入面爆發 又唔會太過油膩 超好味 食完佢預設嘅拼盤 基本上都半飽
不過梗係要再追加 a4嘅日本黑毛和牛牛肩肉同三角腩啦 呢款嘅a4和牛油花分佈好平均 冇a5咁肥膩 而且牛味好濃 經過鐵板嘅洗禮將一部分嘅牛油迫咗出嚟 食落更加冇咁油 而且呢個部位纖維較為鬆化 冇咁un 煎耐咗都唔怕 因為呢啲a4黑毛和牛真係太靚 所以小編都追加咗幾次
最正係呢度嘅韓國果汁都係任飲 呢款梨汁我都飲咗三罐咁多 出面買接近20蚊一罐 真係超值
最後叫埋個 hargandize雪糕 今日就圓滿啦
食左咁多肥美嘅和牛都係410蚊一位 超抵 不過下次會多啲人嚟食 因為份量太大都冇試到呢度嘅其他熟食就飽咗 同埋呢度個氣氛好正
張貼
