韓舍 (已結業)

同班同事響旺角韓舍食，因為我嘅選擇錯誤，導致個氣氛都係好一般。。我地捻住間間韓燒都差唔多的，點知呢間d野係超乎想像咁咸，牛肉豬扒基本上一定會燒咖啦，但呢兩樣野基本上係又咸又難熟，d爐原來係唔夠熱的，慢火得好緊要，導致兩個鐘內嘅時間係唔夠食咖。生野唔熟，所以大家去攞熟野，韓燒店喎，得粉面飯同豬腳姜？唔係下嘛？仲有所謂炒飯炒米好似比水淋過咁冇味，餸又少，好似齋咁。然後，雖然佢有壽司有刺身，但刺身每人4件，size又唔係大，重新排又有面色睇，唯有攞壽司，慘在有同事唔食得生野，咁佢基本上係冇淡好食。態度仲衰，因為個爐唔夠熱先係主要問題嘛，咁咪搵店員處理啦。點知態度差到爆，調完位個爐都係唔夠熱，問有冇得處理，居然：“都話左調位冇用咖啦，你地又唔信，而家調完又話唔熱，我地仲要做生意咖”，簡直係慘過乜咁。總之成晚受氣多過enjoy，食飯食到咁真係好無謂。我覺得就係，呢度嘅所謂韓燒燒唔熱，熟食唔好味，刺身鏗住比。。明將都好過佢！