梨滿園韓國料理 (已結業)

約左朋友係旺角食飯，好耐冇食韓國野而且呢間有任食炸雞正呀👏🏻90分鐘任食先百幾蚊好抵食～任食炸雞有5種味：芝士、蜜糖、醬油、甜辣同埋薑蔥。炸雞外皮好脆，可以一次過食咁多種味，真係得任食先可以試到☺️ 5種味都相當唔錯，各有千秋～職員都好有禮貌，食完又問我地要唔要refill👍蘿蔔好爽口好開胃，又可以解膩～芝士蛋卷都唔錯，蛋好嫩，入面有芝士同紫菜，幾夾～芝士豬手👍豬手本身都好有味，而且好腍，軟腍嘅肥瘦肉加滿滿的芝士，好好食😋人蔘雞湯，入面d雞都好多，證明都幾足料，飲到咁上下剩返小小湯再加埋飯、芝士同紫菜落去，估唔到都幾好食👍