和牛燒肉一郎 (新都城中心二期) (已結業)

今日去食燒肉放題， 餐廳用QR code落單，我地叫B餐，有牛脊肉、牛肋條、五花腩、雞肉、扇貝、蝦及蔬菜等等。一開始有兩隻大船，放滿新鮮食材，打卡一流，賣相精緻。出面有自助飲品、甜品、沙律區， 選擇多！之後就有全港首創的「新幹線」，燒肉會經運輸帶送上座位， 好方便。日本直送優質和牛好正，好出色。 五花腩入囗即溶，肉汁香濃，雞肉肉質唔錯。最開心係坐卡座，好闊落，同張枱又大，放好碟肉都得，慢慢燒慢食！正到爆！任食真係好抵食，食得超飽！