影片
更多
2019-08-30
4163 瀏覽
倫哥呢個名已經聽左幾年，朋友一致大讚高質又抵食，自問已經對散叫又貴又唔飽既私房邊爐有點陰影，今晚想飽餐一頓就黎試試任食海鮮火鍋 ($338/位)。前菜有豆角、胡麻豆腐、醋木耳同醃蘿蔔，不過不失。炆花膠鮑魚好有誠意，雖然唔係頂級靚料，但都厚實腍滑，鮑魚汁夠哂濃郁。刺身拼盤有三文魚、帶子、牡丹蝦、北寄貝同八爪魚，全部新鮮清甜，三文魚有油香，尤其欣賞帶子真係有甜香又嫩滑。 冇諗過火鍋店可以有呢個質素既魚生，完全媲美一般日式餐廳水平。蒸龍蝦烏冬雖然細細隻龍蝦，估唔到又幾爽口彈牙，以開胃菜黎講好超班。先黎個小辣雞煲，雞件嫩滑有雞味，本來嫌小辣香就夠香但辣度不足，其實滾多陣之後就好出好惹味，最後加埋魷魚同牛柏葉，索哂d汁一流。最怕食完雞煲夾硬直接加湯肥膩地打邊爐，欣賞呢度會換上另一個湯底，揀左北海道3.6牛乳豬骨鍋，香濃唔會口乾。海鮮拼盤包括馬來西亞草蝦、深海龍躉片、多寶魚片、青口、花甲、黃蜆、白蜆、鮮魷等，食得出超級新鮮，尤其鐘意深海龍躉片同多寶魚片同滑得黎好濃魚味，充滿膠質。牛頸脊一睇就知係典型既手切靚牛，色澤分明、油花分佈平均，淥幾秒就食得。 入口好軟滑，有彈性又有肉汁，多人既話絕對值得加錢
前菜有豆角、胡麻豆腐、醋木耳同醃蘿蔔，不過不失。
炆花膠鮑魚好有誠意，雖然唔係頂級靚料，但都厚實腍滑，鮑魚汁夠哂濃郁。
刺身拼盤有三文魚、帶子、牡丹蝦、北寄貝同八爪魚，全部新鮮清甜，三文魚有油香，尤其欣賞帶子真係有甜香又嫩滑。 冇諗過火鍋店可以有呢個質素既魚生，完全媲美一般日式餐廳水平。
蒸龍蝦烏冬雖然細細隻龍蝦，估唔到又幾爽口彈牙，以開胃菜黎講好超班。
先黎個小辣雞煲，雞件嫩滑有雞味，本來嫌小辣香就夠香但辣度不足，其實滾多陣之後就好出好惹味，最後加埋魷魚同牛柏葉，索哂d汁一流。
最怕食完雞煲夾硬直接加湯肥膩地打邊爐，欣賞呢度會換上另一個湯底，揀左北海道3.6牛乳豬骨鍋，香濃唔會口乾。
海鮮拼盤包括馬來西亞草蝦、深海龍躉片、多寶魚片、青口、花甲、黃蜆、白蜆、鮮魷等，食得出超級新鮮，尤其鐘意深海龍躉片同多寶魚片同滑得黎好濃魚味，充滿膠質。
牛頸脊一睇就知係典型既手切靚牛，色澤分明、油花分佈平均，淥幾秒就食得。 入口好軟滑，有彈性又有肉汁，多人既話絕對值得加錢encore。手打墨魚滑同蝦滑同樣精彩，彈牙鮮甜就不在話下，最正係足料啖啖墨魚同蝦肉，味道天然又新鮮，好有驚喜。
韮菜餃同鮮蝦雲吞真係有自家製味道，咬開有成隻蝦，外皮淥左一後時間都唔會散哂。 丸類之中我最愛爆醬沙律丸，有少少wasabi味幾特別。
響鈴、炸魚皮同蔬菜同拼盤都幾有水準，飽到上心口既情況下依然全清。
不得不讚係咁多款汽水之中，懶健康地揀左自家製檸檬薏米水，但真係意想不到咁好飲。 檸檬薏米水味道好濃郁又唔會太甜，雪得夠哂凍，好清熱解毒，忍唔住隊左兩樽。
最後甜品誇張地上左椰汁雪燕，太飽既關係只係揀左燕窩黎食，食極都仲有，心滿意足。
今時今日以此價錢食個西餐分分鐘唔飽，今餐由前菜、鮑參翅肚、刺身、蒸海鮮、雞煲去到打邊爐都一應俱全，夫復何求，下次必須要帶親朋好友黎試試。
張貼
