影片
更多
2022-02-20
53 瀏覽
餐廳：別忘了 (荃灣)地址：荃灣眾安街68號千色匯1期2樓2032號舖荃灣千色匯一期呢間開咗唔夠半年嘅台式餐廳別忘了 @dontforget_hk 主打台式火鍋🍲、台式料理、甜品、飲品同小食🇹🇼 餐廳名同時提大家別忘初衷、唔好忘記曾經有過嘅深刻回憶，或者喺一個人、一個故事、一個地方、一種味道。對你嚟講，呢段日子最想記住嘅又喺咩呢？呢排天氣凍到得返幾度❄️，最啱就喺打邊爐圍爐取暖🔥，別忘了最近推出香港人都好掛住嘅家鄉味道——台灣火鍋，120分鐘任食套餐有四款唔同選擇，可以任食套餐入面所包嘅肉類🥩，仲有超過30款充滿特色嘅火鍋配料任你食，例如甜不辣、米血糕、芋泥包心貢丸、百頁豆腐等。另外有超過50款台式小食、甜品同飲品比你盡情咁叫：炸香芋地瓜球、鹽酥雞🐓、窩夫🧇、芋圓仙草凍、珍珠奶茶🧋、水果茶……喺咪估唔到一個價錢除咗打邊爐之外，仲可以食到咁多香港人都好掛住嘅台灣美食呢😍呢個Set C($308)可以無限追加美國SRF封門柳、美國安格斯牛小扒、美國Prime Grade牛肩胛、日本鹿兒島美豚梅肉、精選牛板腱同羊肉卷♾。肉質都幾新鮮，肉味濃而無冰鮮雪藏味👍，不過如果無咗啲食物名牌仔真喺唔知自己
地址：荃灣眾安街68號千色匯1期2樓2032號舖
荃灣千色匯一期呢間開咗唔夠半年嘅台式餐廳別忘了 @dontforget_hk 主打台式火鍋🍲、台式料理、甜品、飲品同小食🇹🇼
餐廳名同時提大家別忘初衷、唔好忘記曾經有過嘅深刻回憶，或者喺一個人、一個故事、一個地方、一種味道。對你嚟講，呢段日子最想記住嘅又喺咩呢？
呢排天氣凍到得返幾度❄️，最啱就喺打邊爐圍爐取暖🔥，別忘了最近推出香港人都好掛住嘅家鄉味道——台灣火鍋，120分鐘任食套餐有四款唔同選擇，可以任食套餐入面所包嘅肉類🥩，
仲有超過30款充滿特色嘅火鍋配料任你食，例如甜不辣、米血糕、芋泥包心貢丸、百頁豆腐等。另外有超過50款台式小食、甜品同飲品比你盡情咁叫：炸香芋地瓜球、鹽酥雞🐓、窩夫🧇、芋圓仙草凍、珍珠奶茶🧋、水果茶……喺咪估唔到一個價錢除咗打邊爐之外，仲可以食到咁多香港人都好掛住嘅台灣美食呢😍
呢個Set C($308)可以無限追加美國SRF封門柳、美國安格斯牛小扒、美國Prime Grade牛肩胛、日本鹿兒島美豚梅肉、精選牛板腱同羊肉卷♾。
肉質都幾新鮮，肉味濃而無冰鮮雪藏味👍，不過如果無咗啲食物名牌仔真喺唔知自己食緊咩肉🤣，因為好多肉都好似樣，啲肉多到我哋食完第一輪已經無再追加，畢竟仲有好多台式小食同甜品想試😋
湯底有九款揀，仲喺每人一鍋，疫情吓就最適合不過，或者兩個人揀個大嘅鴛鴦鍋都得，我哋就揀咗招牌台灣麻辣湯同台灣香濃椰子雞湯🍲
台式小食叫咗個澎湖花枝丸、台南府城蝦捲同
紹興醉雞，唔好以為主打火鍋，啲小食就好馬虎🐯，啲熱食炸物都喺即叫即整，上枱仲喺熱辣辣，惹味得嚟仲好香口😌，一定要試吓
甜品就叫咗個朱古力雪糕配迷你窩夫同暖笠笠燒麻糬，個窩夫喺一人份量，唔會好大份令你食一件就滯，可以試多啲唔同嘅甜品，而且窩夫仲好香脆，不過就唔夠熱同唔夠蛋香，配埋朱古力雪糕食就一流🤪。
嚟到點可以唔飲佢哋嘅台式飲品🤓？點單嗰陣可以揀少冰少甜微冰微甜，啱晒唔同人嘅需要，不過以台式餐廳嚟講飲品味道就一般，都喺嘢食吸引好多😙，最後食完仲每人送一杯Mövenpick雪糕，夠晒完滿🥰 
走前唔好唔記得喺許願咭上面寫低你嘅願望再掛喺餐廳周圍嘅櫻花樹上啊🌸，希望呢份愛同祝福可以感染到更多人啦🙏
張貼
