一鍋堂 (大鴻輝(荃灣)中心)

營業中

休息中

天氣一凍就好想打邊爐🍲，今晚收工直接去咗荃灣大鴻輝19樓一鍋堂直接同職員講要C餐高級澳洲和牛$268一位，揀佐養生湯底，之後先坐低，座位闊落，坐得舒服😌，即刻用App落佐好多牛，等緊上菜時出去自助吧行佐一轉，飲品任飲，仲有好多蔬菜🥬係雪櫃可以任拎對面有啲沙律，有丸類，響鈴，淮山麵，當然唔少得醬料，仲有乳酪雪糕拎咗兩隻嘢飲返埋位就見到店員繼續上菜，即刻開餐，冇失望，牛肉好食，新鮮，有肉味，食食下覺得都係要平衡下，又落佐好多蔬菜健康嘢，全部都新鮮好食，食到最後好飽，但都要試埋個雪糕，係芒果味，下次會再黎食