牛牛鮮

營業中

休息中

潮汕牛一直都係我嘅最愛❣️平時返大陸食多，雖然大陸食會比較平，但一份一份嗌都唔平㗎。行開經過見到旺角瓊華開咗間任食潮汕手切牛，價錢又唔貴，就黎試下。😀🌟分咗三個套餐，最平嗰個係$178，但係冇手切牛食。我揀咗中間嗰個set，包咗海鮮拼盤同埋潮汕手切牛肉放題。🌟海鮮有龍躉鮑魚沙巴同埋蝦。🌟先上牛切牛拼盤，打卡一流。每款手切牛都試過揀啱鍾意先至再嗌。有五花趾，吊龍，匙柄，雪花同埋牛胸油。最愛係匙柄，牛味好夠！牛板鍵都好好食。🌟仲有好多款嘢食可以食，出面拎菜都好多款選擇。冰菜同水蓮係平時好少見嘅。丸類都好多。🌟飲品都有好多唔同款嘅冷泡茶。最後食埋雪糕好滿足❣️一路食都覺得質素好高呀，特別係鮑魚，會再encore。雖然而家餐廳只係試業，但係都好多人嚟。食到七點幾都見到好多人喺門口排緊隊等入嚟。