影片
港鐵旺角站 E2 出口, 港鐵旺角東站 B 出口
繼續閱讀
電話號碼
35962963
61068003 (WhatsApp)
開飯介紹
主打鮮切潮汕手切牛肉放題，選用當日抵港新鮮牛肉供應多款稀有部位，如五花趾、吊龍、匙柄等，滿足牛魔王口味；加上任食逾百款火鍋配料、海鮮、自家手工丸類、小食及雪糕，性價比極高。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關獎賞計劃
📍 牛牛鮮｛旺角｝終於唔使返大陸深圳食手切牛肉🐮近近哋喺香港都已經食到，最近喺旺角就開咗一間牛牛鮮，主打潮汕手切牛肉、手切蝦滑等等，店內堅持用新鮮嘅食材，每日新鮮送到，連海鮮都係新鮮嘅🦐當我出去自助區嘅時候，仲見到師傅新鮮手切牛肉，每一塊牛肉都係薄切，牛味最濃郁，肉質彈牙但唔會韌，油脂感較重，肉質軟滑，下面嘅全部都係手切✨ 手切．雪花牛肉、吊龍、五花趾、匙柄、牛胸油，第一次食，五花趾：紋理分明，似牛展，比較有咬口。令我印象深刻🩷由於我哋兩個人叫嘅餐係｛海鮮潮汕牛肉放題｝所以一坐落枱就已經有一盤，海鮮拼盤｛龍躉（1件）鮑魚（1隻）桶蠔（1隻）海蝦（2隻）沙白（2隻）｝數量係以每位計算🧮仲會有一個圓形圍住火鍋，圓形入邊有晒店內招牌嘅手切牛肉🐮每一款牛肉都可以食到，唔夠嘅話仲可以追加！真係食到飽肚餐💃💃桶蠔肉質豐厚結實、蠔味香濃、大大隻咬落去口感豐富，龍躉肥美，鮑魚鮑魚勁鮮甜，肉質唔會太硬，仲有少少彈牙，沙白都冇沙，海蝦有四隻都好鮮甜🦐另外店內仲有其他手工火鍋配料，手工馬蹄墨魚滑、黑松露蝦滑等等，出邊仲有自助區可以揀選丸類同蔬菜類🥬款式其實都幾多！店內有八款湯底可以揀 我就揀咗～胡椒豬肚湯底～胡椒嗰種辣嘅感覺，果然夠哂足料除咗豬肚同雞足之外，胡椒味都好出，但兩者配合得好好👍店內仲有其他炸物、前菜等✨ 椒鹽炸花枝丸、炸牛丸、炸墨魚丸、炸南乳雞翼、炸午餐肉、凍豆腐，炸物十分岀色，不油膩，而且牛丸味好濃郁，必須必須叫炸南乳雞翼，係店內嘅招牌，雞翼大大隻，炸完仍然鎖住肉汁，南乳味十足🐔基本上每一台都必定每人一隻！至於飲品區，本人比較欣賞自製奶茶｛一飲落口超級順滑，真係讚唔停｝，另外仲有冷泡茶、紅棗杞子圓肉茶，都係店內自家製嘅，另外罐裝飲品盒裝飲品都通通有齊🤲🏻當然食到最後，要有返個雪糕做end 竟然有傳統雙火箭雪條🤭🤭🤭真係夠晒懷舊🫶🏻
繼續閱讀
旺角瓊華中心開咗間主打手切潮汕牛肉嘅火鍋放題，朋友試過話水準不錯，呢晚一齊嚟試吓。餐廳環境闊落，星期五晚再加埋新開張，都要等一陣先入座。我哋點咗$338嘅餐，如果7:45pm前離座，則$298。餐廳主打手切潮汕牛肉，咁當然唔少得點咗佢幾款唔同部位嘅牛肉，包括封門、吊龍、雪花及匙柄等。現場有師傅即時手切牛肉，感覺特別新鮮好味。個人推介吊龍及雪花，厚薄適中，牛味濃郁。另外亦點咗美國牛板腱，質素亦相當好。 套餐仲包咗一個海鮮拼盤，入面有桶蠔、鮑魚、龍躉、沙巴及海蝦。各款海鮮新鮮好味，性價比相當不錯。手工鹹蛋黃炸魚皮、牛丸、炸午餐肉等亦係必食推介，炸魚皮入口香脆，而牛丸則超彈牙，夠juciy。自助食物區提供菜類，餃類、丸類、小食、麵食等，款式相當齊備。飲品選擇好多，有啤酒、港式奶茶、花茶、檸檬茶及汽水等，聽見隔離枱狂讃佢嘅港式奶茶，奶茶控可以一試。甜品當然唔少得有雪糕及雪條，充滿港式情懷。
繼續閱讀
衝咗旺角瓊華中心新開嘅 「牛牛鮮」！全場坐滿曬仲要係岩岩開業，好彩有訂位！150分鐘潮汕手切牛＋海鮮放題，港人唔使返北上，落旺角就食到正宗潮汕風味，彌敦道地鐵上蓋，方便到呢～ .🔪 🥩手切牛部位多到選擇困難症發作！師傅即埸手切嘅潮汕牛真係無得頂！五花趾紋理靚到似山水畫，涮8秒爽脆彈牙；匙柄gym L最岩；雪花脂肪咁靚，我最愛，牛油香炸裂，自己一個人encore左5碟😌；吊龍嫩滑帶筋，蘸沙茶醬食到停唔到口！最過癮係牛胸油，脆口到「咔咔聲」，好似食緊牛脂薯片！美國肥牛、西班牙黑豚肉全部零雪味，新鮮到懷疑緊係咪放題🤯！ .🚢 龍蝦海鮮勁食鮮每枱送嘅海鮮拼盤浮誇到爆！鮮活龍蝦肉爽甜彈牙、肥嘟嘟桶蠔一咬爆汁、厚肉鮑魚彈牙、蟶子或扇貝、龍躉、鮑魚、桶蠔、海蝦、沙白、龍躉、海蝦、沙白！脆肉鯇魚片絕對要encore，涮完仲脆過薯片～ .🦐 手工滑類係心臟暴擊！手打蝦滑睇到粒粒蝦肉，黑松露蝦滑香到鄰枱望過嚟～馬蹄墨魚滑咬到粒粒爽甜，嘉美雞件滑溜唔「鞋」口！QR code落單幾分鐘極速上菜，瘋狂追單都零漏單手速快過打機👏！ .🍺 酒鬼mode：加$38任飲Asahi！重點！仲有十幾款罐裝汽水、果汁！最癲係連紅白酒都一支支任拎，打邊爐吹水啤一啤，爽過做神仙！食完正餐仲有雪糕雪櫃任挖，懷舊雪糕＋雪條，第二個胃即開🎉！ .🌌 環境：燈光光猛＋抽風超強！裝修燈光光猛，坐得闊落唔逼狹，而且仲會有插頭位俾你電話充電！抽風系統勁到食完唔會一身「火鍋味」，服務員收碟快過閃電，新開業有咁嘅效率真心驚喜～
繼續閱讀
上個月cancel咗個潮州之旅，而家對潮汕美食嘅執念好重🙂↔️。所以特登去咗間主打食潮汕牛嘅火鍋放題。✨精選海鮮拼盤（1份）＋潮汕手切牛肉放題7:45前離座 $2988:45後入座$318正價時段 $338（150分鐘）我哋出去拎蔬菜嗰陣睇住師傅砌緊潮生牛拼盤，所以唔嗌牛肉住。過咗陣果然上咗個拼盤。拼盤有齊五花趾、吊龍、匙柄、雪花、牛胸油。每款大概有十片。我見其他枱食完拼盤都會嗌多5-10碟肉。最嫩最高質一定係雪花。追求口感同濃郁肉味就可以試下五花趾。🦐精選海鮮拼盤包括：龍躉（1件）鮑魚（1隻）桶蠔（1隻）海蝦（2隻）沙白（2隻）/每位食得出鮑魚、海蝦、沙白係新鮮貨，可惜冇得任食記得試埋小食！我哋試咗生炸潮汕南乳雞翼、即炸潮汕牛丸同埋避風塘粟米。南乳雞翼鹹香又有脆皮。避風塘粟米🌽炸得夠乾身香口。+$38仲有得任飲Asahi生啤🍻最後記得食埋雪糕呀😆
繼續閱讀
瓊華中心9樓新店 牛牛鮮 整體感覺乾淨舒服。店內環境簡潔，座位之間唔會逼，坐低就聞到陣陣牛骨湯嘅香氣。 招牌湯底係潮汕牛骨湯，飲落清清地好自然，同牛肉好夾。 新鮮手切牛肉選擇豐富，有吊龍、雪花、匙柄、五花趾。特別係吊龍，切得厚薄適中，淥幾秒就食得，肉質嫩滑得嚟帶少少咬口。海鮮拼盤嘅龍蝦係游水貨，不同市面急凍貨。蠔同蟶子都新鮮，蠔肉飽滿，蟶子爽口冇沙。 自助區嘅蔬菜選擇幾多，除咗常見嘅款式，仲有水蓮同冰菜呢啲特別少少嘅選擇。鴨血、黃喉、鵝腸，呢啲平時要單點嘅菜品都係任食。小食方面，推介招牌潮汕生炸南乳雞翼，即叫即炸係唔同啲，咬落好Juicy。手工鹹蛋黃魚皮係必食，非常惹味。反沙芋頭外脆內粉，甜度剛好。飲品有特色嘅係自家製奶茶，白桃烏龍同鐵觀音，冷泡茶茶味清香，飲落幾解膩。場內指定啤酒、紅白酒任飲，加錢有得任飲生啤。服務方面，店員換碟密密手，態度友善。兩個人食足兩個半鐘，食埋雪糕雪條，好滿足！
繼續閱讀