燒肉酒場 (已搬遷) 新店位置

去銅鑼灣行街喺街邊見到呢間燒肉店 雖然店舖位置唔起眼 但都算幾多食客 所以就入左去試試 太耐冇食燒肉 所以叫咗燒牛燒雞燒墨魚 牛肉厚薄適中唔會太薄保留到咬口亦唔會太厚 食落唔會um有肉汁又牛味 雞肉就正正常常 蜜糖味甜甜地 燒八爪魚都彈牙 同時燒爐旁邊嘅洋蔥仲可以無限添加tim 而且呢度嘅抽風系統做得幾好 唔會有好煙嘅感覺 其實呢度另外有樣出名嘅係食燒羊肉 但因為我就唔食羊嘅 所以冇試到lu 同時我哋叫咗杯檸檬燒酌 酸酸地又有啲酒味好啱我口味 食到最尾店員仲送咗朱古力泡芙畀我哋添 好滿足