燒魂 (已結業)

食放題最好係可以一次滿足到自己同身邊嘅朋友，而早兩日同朋友係尖沙咀逛完街，佢話想食放題，所以就係附近搵左間燒魂放題。餐廳放題款式都幾多，當然少不了有壽司、刺身、主食、炸物等，叫得燒魂，當然有烤肉。飲品只有4款，由於唔太好飲可樂，所以只揀解茶。我地叫左少少壽司和刺身、枝豆、牛油粟米、蟹子沙律，個人覺得甜蝦不錯，夠鮮甜。我地點左幾款想食嘅肉類，有雞翼，蜜汁豚肉、香蔥薄牛舌，美國安格斯一口牛，霜降和牛，個人幾喜歡佢地d牛肉，肉味夠濃，入口唔太韌，用生菜包住食或用菠蘿夾埋一齊食，味道更豐富。