影片
更多
2021-11-14
31 瀏覽
奶油包公司好快就要搬Office由北角搬去牛頭角個邊朋友見我好鬼depress因為擔心個頭冇野好食就帶奶油包去一早熟悉一下個頭環境帶我去搵下有冇好野食咁岩天氣轉涼就正好去打個邊爐食個雞煲「為食火鍋公司」都好近黨鐵站門面仲好光猛招牌仲有柴柴睇嚟老闆應該係愛狗之人入到去見到入面既Design就知道一定冇錯設計好舒服好光猛同埋食物質素應該唔錯因為奶油包同朋友一行3人7點去到都已經要坐到最門口張台上面影到室內Design既相係等到D人走左先影到講左咁多野...講返正題先奶油包同朋友叫左$318/位個個餐而家一樣樣食物去評價一下揀好左野食之後就有鮑魚仔食味道都OK既不過如果可以再軟身D就好五色刺身樣樣都好新鮮但最好食一定係蝦同帶子鮮味同埋蝦唔會覺得係唔新鮮三文魚就正常發揮北寄貝都唔錯希靈魚就好爽口因為奶油包唔食得辣所以雞煲就叫左BB辣雞煲上台後要分4次炒熟因為有豬皮、魷魚同牛柏葉 每次隔2分鐘之後就可以食得BB辣辣度既雞煲唔錯加左豬皮同魷魚 非常之吸味奶油包同朋友就Encore左豬皮魷魚牛柏葉就真係硬左少少奶油包覺得好一般(可能係我D牙唔好啦)如果係鍾意食雞煲同三寶既人係可以再Encore雞煲同
朋友見我好鬼depress
因為擔心個頭冇野好食
就帶奶油包去一早熟悉一下個頭環境
帶我去搵下有冇好野食
咁岩天氣轉涼
就正好去打個邊爐食個雞煲
「為食火鍋公司」都好近黨鐵站
門面仲好光猛
招牌仲有柴柴
睇嚟老闆應該係愛狗之人
入到去見到入面既Design
就知道一定冇錯
設計好舒服好光猛
同埋食物質素應該唔錯
因為奶油包同朋友一行3人
7點去到都已經要坐到最門口張台
上面影到室內Design既相係等到D人走左先影到
講左咁多野...講返正題先
奶油包同朋友叫左$318/位個個餐
而家一樣樣食物去評價一下
揀好左野食之後就有鮑魚仔食
味道都OK既不過如果可以再軟身D就好
五色刺身樣樣都好新鮮
但最好食一定係蝦同帶子
鮮味同埋蝦唔會覺得係唔新鮮
三文魚就正常發揮
北寄貝都唔錯
希靈魚就好爽口
因為奶油包唔食得辣
所以雞煲就叫左BB辣
雞煲上台後要分4次炒熟
因為有豬皮、魷魚同牛柏葉
每次隔2分鐘
之後就可以食得
BB辣辣度既雞煲唔錯
加左豬皮同魷魚
非常之吸味
奶油包同朋友就Encore左豬皮魷魚
牛柏葉就真係硬左少少
奶油包覺得好一般
(可能係我D牙唔好啦)
如果係鍾意食雞煲同三寶既人
係可以再Encore雞煲同三寶
食完雞煲後就會轉過個煲同湯底俾你打邊爐
因為雞煲真心好油
如果用返同一個煲
就會太油喇
而「為食火鍋公司」既湯底都好特別
竟然係蕃茄薯仔白蘿白湯底
好有返屋企食飯既feel
奶油包係個湯底滾左之後飲左碗湯
仲要有兩嚿白蘿蔔係超甜嘅
打邊爐既配料都幾好
有海鮮拼盤
扇貝大大粒
蝦又大大隻
蜆都冇沙
蟶子都OK
呢幾樣都幾新鮮
而魚肉呢...
Sorry奶油包唔鍾意食熟既魚
唔亂comment
仲有手切牛肩頸同西班牙黑豚肉
2樣野食都幾好
比較可惜既係牛肩頸唔係任食
如果唔係既話奶油包同朋友實食好多碟
西班牙黑豚肉既肉質唔錯
因為可以添食
所以就叫多左2次
再嚟既黑豚肉質素一樣咁好
唔會因為再叫而俾D冇咁好既肉
其餘既食料都好好味
菜就係出面自己拎既睇落都幾新鮮
五寶丸既牛丸同一隻入面有芋蓉既幾好食
係有一款有斑點既丸有D奇怪
食落既味道人人唔同
朋友話又甜又辣
而奶油包覺得怪味
仲有一樣好特別嘅打邊爐材料
就係鴨血
奶油包咁大個女都未食過鴨血
個口感幾奇怪
不過唔難食
仲有即炸魚皮、三色餃同紫菜響鈴
吸左D湯勁好味
不過唔知道係自定制定買返嚟
整體嚟講係唔錯既
性價比幾好
不過可以再坐得舒服D就好
張貼
