牛牛鮮

旺角新開業主打潮汕牛嘅火鍋放題，我揀左B餐，150分鐘手切潮汕牛肉放題，附送一次海鮮拼盤。最吸晴當然係潮汕牛肉轉盤，一次過有齊多款唔同部位嘅潮汕牛。當中包括有雪花、五花趾、胸口油、匙柄。之後再可以加點自己喜歡嘅。我最喜歡一定係雪花～油花豐富，層次明顯，牛味濃郁；其次喜歡五花趾，口感爽脆，筋肉感十足。海鮮拼盤內就有鮮蝦、鮑魚、花甲同生蠔，如果份量再多啲就好啦～出面任拎嘅火鍋配料有驚喜！可以任食竹笙同黃喉，仲有冰菜，勁開心！除此之旅，啲小食都不錯。有南乳雞翼（推！）、鹹蛋黃魚皮、炸潮汕牛丸、炸椒鹽粟米、藤椒爽魚皮等。雪糕方面竟然有笨 NANA雪糕，好耐無食喇！