影片
更多
2021-11-10
2772 瀏覽
一凍就想食燒肉，依間餐廳好近公司，所以我地就去左食晏🤪。我見仲有任食大閘蟹，不過我地無咁多時間就無試到。環境唔錯，唔會好大油煙味，啲枱櫈都唔會痴粒粒。飲品、沙律、前菜任食，啲沙律菜好新鮮，食落真係「索索聲」🤣。飲品好多選擇，食個晏都可以喪食喪飲真好😛。1++韓牛韓燒定量午市餐 $238依個餐有韓牛牛肋骨肉、韓牛牛肩胛、韓式雞腿肉、西班牙黑豚五花腩、虎蝦拼半殼青口。以上係用我地覺得既好食程度去排🤔。個烤爐好快熱，每樣野烤幾分鐘就食得，自己控制啲肉既生熟程度。除左青口同蝦普通之外，其他都好好食😚。啲韓牛入口就溶溶地，最緊要係無筋！啲五花腩厚啲好啲，我地烤耐左就變左脆片😂。極上火炙七色丼 $118七色丼包括韓牛、海膽、帶子、三文魚、油甘魚、鰻魚、蟹棒😍。唔知點解我叫個時以為只係火炙個韓牛，而其他既係生既，到左上菜時先發現我傻左😂。韓牛好食，入口溶。海膽比預期好，依個價錢我地真係唔敢要求太多。其他魚生同貝類都唔錯。特別一提個壽司飯，好食，醋酸味平衡得好好🤪！埋單$392（包加一）
飲品、沙律、前菜任食，啲沙律菜好新鮮，食落真係「索索聲」🤣。飲品好多選擇，食個晏都可以喪食喪飲真好😛。
1++韓牛韓燒定量午市餐 $238
依個餐有韓牛牛肋骨肉、韓牛牛肩胛、韓式雞腿肉、西班牙黑豚五花腩、虎蝦拼半殼青口。以上係用我地覺得既好食程度去排🤔。個烤爐好快熱，每樣野烤幾分鐘就食得，自己控制啲肉既生熟程度。除左青口同蝦普通之外，其他都好好食😚。啲韓牛入口就溶溶地，最緊要係無筋！啲五花腩厚啲好啲，我地烤耐左就變左脆片😂。
極上火炙七色丼 $118
七色丼包括韓牛、海膽、帶子、三文魚、油甘魚、鰻魚、蟹棒😍。唔知點解我叫個時以為只係火炙個韓牛，而其他既係生既，到左上菜時先發現我傻左😂。韓牛好食，入口溶。海膽比預期好，依個價錢我地真係唔敢要求太多。其他魚生同貝類都唔錯。特別一提個壽司飯，好食，醋酸味平衡得好好🤪！
埋單$392（包加一）
張貼
