影片
更多
2017-05-26
65 瀏覽
男朋友係食肉「瘦」，食勁多肉都仲係勁瘦真係勁羨慕佢！無辦法啦，時也命也，有啲嘢，你永遠無辦法控制到，所以我只好認命！唯有自己做多啲運動補番啦。食肉瘦最近同我講，話大埔舊墟直街開咗間新嘢，標榜和牛放題，話好想試！見佢地成日人頭湧湧，估計應該都OK，所以上星期日就走咗試啦。裝飾好有日本味，環境都算乾淨衛生，感覺靠得住。我地抱住一係唔食，一係食好啲心態，所以一揀，就㨂咗個至貴嘅日本國產黒毛和牛放題嚟食！我地個餐$368可以可以㨂一款湯底，不過由於我地對湯底嘅選擇各持己見，所以最後加咗$18要兩個湯底，分別係壽喜燒同牛乳湯底。兩個湯底味道都好濃！如果打到一半唔夠湯，可以要求店員再加湯，所以味道keep住都好濃郁。一坐低當然要周圍睇吓有咩好食！除咗唔同種類嘅肉外，出面仲放咗好多唔同種類既丸、蔬菜、麵同Dreyer's 雪糕 ，食幾多攞幾多，全部自己決定，呢吓幾好，我每款可以只攞1-2件，咁就可以試多啲唔同嘢啦除咗牛肉任食外，我地個餐仲包埋刺身任食款式種類都唔少，連象拔蚌都有，真心有驚喜食完前菜，當然就係到主角-和牛啦! 和牛脂肪分佈好平圴，而且入口好有牛味，一啲都唔韌，就算唔沾醬，單食已經覺得好
食肉瘦最近同我講，話大埔舊墟直街開咗間新嘢，標榜和牛放題，話好想試！見佢地成日人頭湧湧，估計應該都OK，所以上星期日就走咗試啦。
裝飾好有日本味，環境都算乾淨衛生，感覺靠得住。我地抱住一係唔食，一係食好啲心態，所以一揀，就㨂咗個至貴嘅日本國產黒毛和牛放題嚟食！
我地個餐$368可以可以㨂一款湯底，不過由於我地對湯底嘅選擇各持己見，所以最後加咗$18要兩個湯底，分別係壽喜燒同牛乳湯底。
兩個湯底味道都好濃！如果打到一半唔夠湯，可以要求店員再加湯，所以味道keep住都好濃郁。
一坐低當然要周圍睇吓有咩好食！除咗唔同種類嘅肉外，出面仲放咗好多唔同種類既丸、蔬菜、麵同Dreyer's 雪糕 ，食幾多攞幾多，全部自己決定，呢吓幾好，我每款可以只攞1-2件，咁就可以試多啲唔同嘢啦
除咗牛肉任食外，我地個餐仲包埋刺身任食款式種類都唔少，連象拔蚌都有，真心有驚喜
食完前菜，當然就係到主角-和牛啦! 和牛脂肪分佈好平圴，而且入口好有牛味，一啲都唔韌，就算唔沾醬，單食已經覺得好鮮味
呢到除咗有一般打邊爐都食到既嘢外，最特別係佢有得自己整炸物!
首先係自己揀食物，之後再沾上炸漿。
之後再沾啲水糠後，就攞去炸，成個過程唔洗5分鐘，感覺好過瘾明乎其實既有得食，有得玩!
最後我想講佢呢個$20 任飲ASAHI 啤酒，食到熱辣辣，加$20就可以任飲，男朋友對呢個$20啤酒表示好滿意!
雖然位置係大埔，對九龍或者港島人嚟講唔算就腳，但對於我呢啲新界人黎講，反而覺得仲好!
一來近，二來性價比高，價錢比較貼地，遟啲可以約埋班中同黎GATHERING都OK!
張貼
