任你點車仔麵 (已結業)

唔好以為嚟到深水埗淨係得出咗名嗰間車仔麵可以食呀，原來入少少仲有一間車仔麵都好好味，格局都係差唔多，湯底亦都好濃郁，亦都有好多款餸菜俾你揀，最重要係佢啲可樂係用玻璃樽裝，超正，佢哋又分咗酸辣同麻辣俾你揀每種辣到亦都有小中大俾你選擇，我就揀左麻中辣，辣到都幾勁，如果唔食得辣嘅朋友揀小辣好了，因為當啲面索晒啲湯底之後就會越食越辣，如果再加上你叫嘅餸裏便係有蔬菜，就更加會索到啲辣湯令你更加辣，誠意推介豬大腸，因為好入味，亦都好林好軟身，至於冬菇亦都好香，本身見到佢張紙上面寫住秘製豬紅，但是完之後感覺比較遜色，味道略嫌唔夠，但整體來講成碗面嘅味道都算唔錯，至於花膠亦都係味道略嫌唔夠，比較淡味，但自家製水餃有驚喜👍🏻，整體黎講湯底濃厚已經好加分了。。。