堅石燒 (已結業)

Happy Friday去旺角食晚餐，本身想去食燒肉放題，但係朋友唔食牛肉，所以就揀咗嚟食石板燒，可以自己揀燒邊種肉🍗🥩🥓，餐廳唔少肉類都有3種份量選擇（200g、300g、400g），可以靈活啲揀食幾多，燒得生啲定係熟啲、燶啲定係多汁啲又可以由自己控制（當然都好考驗自己嘅燒肉功力😎）🐷韓國五花肉五花肉偏肥少少，脂肪多過肉，石板嘅高溫逼出油脂，燒到咋咋聲，五花肉咬落去油香四溢，油脂包圍住整個口腔😋另外餐廳有個自助吧，雪濃湯、意粉、白飯、飲品一應俱全，沙律就預先用一個個食物盒裝住，比較衛生放心😌