MO Bar (裝修中)

試過文華既下午茶，今次試埋置地既！訂座既時候已經講到明d 訂座好緊逼！我地訂既三點半只可以去到五點三。雖然佢地都無追我地交枱。三點三去到張枱真係未準備好！佢地先安排我地坐吧枱！吧枱既侍應好有心咁準備左水俾我地。首先既唔同係佢係set for 2. 雖然我地一行五大一小。佢都唔介意建議我地先叫一個set. 但最終當然係唔夠啦就再叫多一個。但枱面已經無位可以放咁多野食。習慣相機食先既我地今次真係做唔到乜野！冰屋既設計令相機好難食先。欣賞佢地既咸點唔會太咸！味道全部都夾得好好。包括有鵝肝芝士、魚子撻（好脆）、蟹肉飽等！甜點方面最鐘意既係整成聖誕樹的一個！上層係檸檬味慕絲，底層係綠茶味！中和晒甜品既甜！其餘既都係大量雲尼拿味！Scone 方面配上忌廉，醬方面有藍莓醬同橙醬！個人覺得橙味比較吸引。唔會令牛油味重既scone 更加味重！由於我地太多人，響呢度只可以一半人坐沙發一半人坐櫈仔！加上酒店正在裝修比較嘈！又限住時間，感覺沒有另一間文華酒店舒適。